1417, 10 mai. Paris. Lettres de Charles VI par lesquelles il ordonne qu'il sera fabriqué dans toutes les Monnoies du royaume des deniers d'or fin appelés moutons, et autres espèces, et fixe le prix de l'or et de l'argent.- Ordonnances des rois de France de la troisième race...- t. X.- Paris : Impr. royale, 1763.- p. 407-408
CHARLES, par la grace de Dieu, Roy de France. A noz amez & feaulx les Generaulx-Maistres de noz Monnoyes : Salut & dillection. Savoir vous faisons que pour les très-grans & urgentes besoignes & affaires que Nous avons présentement à soustenir, tant pour restirer à notre Adversaire d’Angleterre, lequel s’efforce de venir en nostre Royaume, à très-grant puissance, comme pour obvier aux très-grans perliz, dommaiges & inconveniens taillez d’enfuir en nostredit Royaume, Nous par grand & meure deliberacion de nostre Conseil, avec plusieurs de nostre Sang & Liganire, & autres faiges & preudez-hommes ayans congnoissance en telles choses, pour Nous aider à supporter lesdictes affaires au moins de griefz & charge de nostre peuple que bonnement pourrons, avons ovulu & ordonné, voulons & ordonnons & vous mandons par ces presentes, que vous faictes faire & ouvrer par toutes les Monnoyes de nostredit Royaume, Deniers d’or fin appellez Moutons, à vingt-trois caratz & ung quart de carat de remede, & de quatre vingt-seize deniers de poix au marc de Paris ; lesquelz auront cours pour vingt solz tournois la piece, en faisant donner aux Changeurs & Marchans pour chacun marc d’or fin, iiii.xx xii. Livres tournois. Item. Blancs Deniers appellez Gros, ayans cours pour xx. Deniers tournois la piece, à viii deniers de Loy, argent-le-Roy, & de vi. Sols viii. deniers de poix au marc de Paris. Item. Autres Deniers blancs ayans cours pour x. deniers tournois la piece, à iiii deniers de Loy argent-le-Roy, & de vi. Sols viii. deniers de poix au marc de Paris. Item. Petiz Deniers blancs ayans cours pour v. deniers tournois la piece, à ladicte Loy, & de xiii sols. Iiii. Deniers de poix audit marc. Item. Doubles Deniers tournois ayans cours pour ii deniers tournois la piece, à ii deniers de loy argent-le-Roy, & de xvi sols viii deniers de poix audit marc. Item. Petits Deniers parisis ayans cours pour ung denier parisis la piece, à ung denier maille de Loy argent-le-Roy, & de vingt sols de poix au marc dessusdit. Item Petiz Deniers tournois ayans cours pour ung denier tournois la piece à ung denier maille de Loy argent-le-Roy, & de xxxiii sols iiii deniers de poix au marc de paris, en faisant donner aux Changeurs & Marchans de chacun marc d’argent, tant blanc comme noir, huit livres tournois, & en mectant en icelles monnoyes d’or & d’argent, telle difference comme bon vous semblera, en faisant creuë sur lesdits pris, se mestier est, ainsi que vous verrez qu’il sera expedient de faire pour nostre prouffilt ; & avec ce faites payer aux Ouvrier & Monnoyers tel sallaire pour leur ouvraige & monnoyaige, comme vous verrez qu’il sera à faire de raison. De ce faire vous donnons pouvoir & mandement especial : Mandons & commandons à tous noz Justiciez, Officiers & subgects que a vous en faisant les choses dessusdictes, circunstances & dependences, obéissent & entendent dilligeamment. Donné à Paris, le dixieme jour de May, l’an de grâce mil iiii dix-sept, et de nostre Regne le xxxvii. Ainsi signé Par le Roy, en son Grant Conseil. DERIAN.
